Мемлекеттік жоспарлау жүйесінің құжаттарына енгізілген білім және ғылым саласындағы көрсеткіштердің мәнін есептеу әдістемесінің жобасын бекіту туралы
Қазақстан Республикасы Білім және ғылым министрінің 2017 жылғы 31 наурыздағы № 138 бұйрығы
(2018.12.02. берілген өзгерістермен)
ҚР Білім және ғылым министрінің 2018 жылғы 27 тамыздағы № 431 бұйрығымен күші жойылды
«Мемлекеттік статистика туралы» 2010 жылғы 19 наурыздағы Қазақстан Республикасы Заңының 16-бабының 3-тармағының 2) тармақшасына, «Қазақстан Республикасындағы Мемлекеттік жоспарлау жүйесінің кейбір мәселелері туралы» Ұлттық экономика министрінің 2016 жылғы 4 ақпандағы № 58 бұйрығымен бекітілген Қазақстан Республикасының Стратегиялық даму жоспарын, Елді аумақтық-кеңістікте дамытудың болжамды схемасын, мемлекеттік және үкіметтік бағдарламаларды, мемлекеттік органдардың стратегиялық жоспарларын және аумақтарды дамыту бағдарламаларын әзірлеу жөніндегі әдістеменің 59-тармағына сәйкес БҰЙЫРАМЫН:
1. Қоса беріліп отырған Мемлекеттік жоспарлау жүйесінің құжаттарына енгізілген білім және ғылым саласындағы көрсеткіштердің мәнін есептеу әдістемесінің жобасы бекітілсін.
2. «Мемлекеттік жоспарлау жүйесінің құжаттарына енгізілген білім және ғылым саласындағы көрсеткіштердің мәнін есептеу әдістемесін бекіту туралы» Қазақстан Республикасы Білім және ғылым министрінің 2015 жылғы 7 шілдедегі № 441 бұйрығының күші жойылсын.
3. Стратегиялық жоспарлау және үйлестіру департаменті (Н.А. Шәмшиева) осы бұйрықты Қазақстан Республикасы Білім және ғылым министрлігінің интернет-ресурсында жариялауды қамтамасыз етсін.
4. Осы бұйрықтың орындалуын бақылау Жауапты хатшы Ә.М. Рахымжановқа жүктелсін.
5. Осы бұйрық қол қойылған күнінен бастап күшіне енеді.
| Қазақстан Республикасы білім және ғылым министрі | Е. Сағадиев |
ҚР Білім және ғылым министрінің 2018.12.02. № 49 бұйрығымен есептеу әдістемесінің жобасы жаңа редакцияда (бұр.ред.қара)
Қазақстан Республикасы
Білім және ғылым министрінің
2017 жылғы 31 наурыздағы
№ 138 бұйрығымен
