Тексерудің стандартты файлға қойылатын талаптарды, оны жасау және ұсыну қағидаларын бекіту туралы
Қазақстан Республикасы Қаржы министрінің 2025 жылғы 3 қазандағы № 567 бұйрығы
Қазақстан Республикасы Салық кодексінің 161-бабы 1-тармағының 5) тармақшасына сәйкес БҰЙЫРАМЫН:
Мыналар:
1) осы бұйрыққа 1-қосымшаға сәйкес Тексерудің стандартты файлына қойылатын талаптар;
2) осы бұйрыққа 2-қосымшаға сәйкес Тексерудің стандартты файлын жасау және ұсыну қағидалары бекітілсін.
2. «Стандартты тексеру файлының нысанын және оны жасау қағидаларын бекіту туралы» Қазақстан Республикасы Қаржы министрінің 2018 жылғы 19 желтоқсандағы № 1092 бұйрығының (Нормативтік құқықтық актілерді мемлекеттік тіркеу тізілімінде № 16295 болып тіркелген) күші жойылды деп танылсын.
3. Қазақстан Республикасы Қаржы министрлігінің Мемлекеттік кірістер комитеті Қазақстан Республикасының заңнамасында белгіленген тәртіппен:
1) осы бұйрықтың Қазақстан Республикасының Әділет министрлігінде мемлекеттік тіркелуін;
2) осы бұйрық ресми жарияланғаннан кейін оның Қазақстан Республикасы Қаржы министрлігінің интернет-ресурсында орналастырылуын;
3) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшасында көзделген іс-шаралардың орындалуы туралы мәліметтерді Қазақстан Республикасы Қаржы министрлігінің Заң қызметі департаментіне ұсынуды қамтамасыз етілсін.
4. Осы бұйрық 2026 жылғы 1 қаңтардан бастап қолданысқа енгізіледі және ресми жариялануға тиіс.
| Қазақстан Республикасының Қаржы министрі | М. Такиев |
Қазақстан Республикасының
Қаржы министрі
2025 жылғы 3 қазандағы
№ 567 бұйрығына 1-қосымша
Тексерудің стандартты файлына қойылатын
талаптар
1. Осы Тексерудің стандартты файлына қойылатын талаптар (бұдан әрі - Талаптар) Қазақстан Республикасы Салық кодексінің 161-бабы 1-тармағының 5) тармақшасына сәйкес әзірленді және тексерудің стандартты файлына қойылатын талаптарды белгілейді.
