Мемлекеттік мекемелердің шоттарын ашудың және жабудың тәртібі
туралы нұсқаулықты бекіту туралы Қазақстан Республикасы
Қаржы министрлігі 1999 ж. 25 мамырдағы № 241 бұйрығы (ҚР Қаржы
министрлігінің 20.01.00 ж. № 24; 07.02.01 ж. № 57; 14.08.01 ж. N
377 бұйрықтарымен енгізілген өзгерістерімен)
ҚР Қаржы министрлігінің 2004.14.12 ж. № 447 бұйрығымен күші жойылды
Бұйырамын:
1. Қоса беріліп отырған Мемлекеттік мекемелердің шоттарын ашудың және жабудың тәртібі туралы нұсқаулық бекітілсін.
2. "Қазақстан Республикасының республикалық және жергілікті бюджеттердің қаражаты есебінен ұсталатын ұйымдардың банктік шоттарын ашудың, жүргізудің және жабудың тәртібі туралы нұсқаулықты бекіту туралы" Қазақстан Республикасы Қаржы министрлігінің 1997 жылғы 7 қазандағы № 334 бұйрығының күші жойылған деп танылсын.
3. Осы бұйрық ол Қазақстан Республикасының Әділет министрлігінде мемлекеттік тіркелген күнінен бастап күшіне енеді.
Қазақстан Республикасы
Премьер-Министрінің орынбасары
Қаржы министрі
Қазақстан Республикасы
Қаржы министрлігінің
1999 жылғы 25 мамыр
№ 241 бұйрығымен
Бекітілген
Мемлекеттік мекемелердiң шоттарын ашудың
және жабудың тәртібі туралы
Нұсқаулық
1-тарау. Жалпы ережелер
1. Осы нұсқаулық Қазынашылықтың аумақтық органдарында мемлекеттік мекемелердiң шоттарын ашудың және жабудың тәртібін белгiлейдi.
ҚР Қаржы министрлігінің 20.01.00 ж. № 24; 07.02.01 ж. № 57; 14.08.01 ж. № 377 бұйрықтарымен 2-тармақ өзгертілді
2. Республикалық және жергiлiктi бюджеттердiң есебiнен ұсталатын мемлекеттік мекемелердiң қаражаттарын есепке алу үшiн мынадай шоттар ашылады:
1) Бюджеттік шот - бөлiнген лимиттер шегiнде республикалық және жергiлiктi бюджеттерден кассалық шығыстарды есепке алу үшiн мемлекеттік мекемеге ашылатын шот.
Бюджеттік шоттарды Қазынашылықтың аумақтық органдары;
"Қазақстан Республикасы республикалық бюджетiнiң шығыстары" № 120;
"Аудандық және қалалық бюджеттердiң қаражаттары" № 130;
"Облыстық бюджеттердiң қаражаттары" № 132 баланс шоттарында ашылады.
