Ілеспе жүкқұжаттарын ресімдеу Ережелерін бекіту туралы Қазақстан
Республикасы Қаржы министрлігінің 2003 ж. 8 қазандағы № 366 бұйрығы
ҚР Қаржы министрінің 2012 жылғы 2 мамырдағы № 229 бұйрығымен күші жойылды
«Мұнай өнiмдерiнiң жекелеген түрлерiн өндiрудi және олардың айналымын мемлекеттік реттеу туралы» Қазақстан Республикасының 2003 жылғы 7 сәуірдегі Заңын iске асыру сондай-ақ акциздердi әкiмшiлiктендiрудi жақсарту және мұнай өнiмдерiнiң жекелеген түрлерiнiң айналымына бақылауды күшейту мақсатында бұйырамын:
1. Қоса берiлiп отырған Iлеспе жүкқұжаттарын ресiмдеу Ережелерi бекітілсiн.
2. Қазақстан Республикасының Қаржы министрлігі Салық комитетi (М.Н.Ысқақов):
1) бензинге (авиациялықты қоспағанда), дизель отыны мен мазутқа iлеспе жүкқұжаттарын бланкiлерiн әзiрлеуге Қазақстан Республикасының Ұлттық Банкінің Банкнот фабрикасымен (филиалымен) шарт жасассын;
2) мұнай өнiмдерiнiң жекелеген түрлерiн iлеспе жүкқұжаттарының бланкiлерiн әзiрлеуге тапсырысты Қазақстан Республикасының Ұлттық Банкінің Банкнот фабрикасында (филиалында) орналастыруды қамтамасыз етсiн;
3) мұнай өнiмдерiн мұнай өндiрушiлердiң, мұнай жеткізушiлердiң, сондай-ақ мұнай өнiмдерi базаларынан өткізудi жүзеге асыратын тұлғалардың назарына мұнай өнiмдерiнiң жекелеген түрлерiн iлеспе жүкқұжаттарының бланкiлерi үшiн ақша аударуға Қазақстан Республикасының Ұлттық Банкінің Банкнот фабрикасының (филиалының) есеп шотының деректемесi жеткiзiлсiн;
4) бiр ай мерзiмiнде мұнай өнiмдерi атауларына (маркаларына) жеке дараландыру нөмiрлерiн - кодтар беру ережесi әзiрленсiн;
5) осы бұйрық Қазақстан Республикасының Әдiлет министрлігінде мемлекеттік тiркеуге жiберiлсiн.
3. Осы бұйрық Қазақстан Республикасының Әдiлет министрлігінде мемлекеттік тiркеуден өткен күнiнен бастап қолданысқа енгiзiледi.
Министрдiң м.а.
Қазақстан Республикасы
Қаржы министрінің м.а.
2003 жылғы 8 қазандағы
№ 366 бұйрығымен
бекітілген
Iлеспе жүкқұжаттарын ресiмдеу Ережелерi
1. Жалпы ережелер
