Бастауыш және орта кәсіптік оқу орындарының оқушыларының ауысуы және
оқушы қатарына қайта тағайындалуы туралы қағиданы бекіту Қазақстан
Республикасы Білім және ғылым министрлігінің
2000 ж. 25 сәуірдегі N 391 бұйрығы
Осы редакция ҚР Білім және ғылым министрлігінің 13.12.03 ж. N 827 бұйрығымен енгізілген өзгерістеріне дейін қолданылды
Қазақстан Республикасы "Білім туралы" Заңына сәйкес бұйырамын:
1. "Бастауыш және орта кәсіптік оқу орындарының оқушыларының ауысуы және оқушы қатарына қайта тағайындалуы туралы қағида" бекітілсін (қоса беріліп отыр).
2. Бастауыш және орта кәсіптік білім департаменті (Қ.А. Лекер) белгілі ретпен бұйрықты Қазақстан Республикасы Әділет министрлігіне мемлекеттік тіркеуден өткізуге ұсынсын.
3. Облыстық, Астана, Алматы қалалық білім басқармалары (департаменттері) осы бұйрықты бастауыш және орта кәсіптік білім ұйымдарының оқу орындарына мәлімдеп жеткізсін.
4. Осы бұйрықтың орындалуын қадағалау вице-Министр Ә.С.Ахметовке жүктелсін.
Министрдің міндетін
атқарушы
Қазақстан Республикасы Білім және
ғылым министрлігінің 2000 жылғы
сәуір айының 25 күні N 391
бұйрығымен бекітілген
Бастауыш және орта кәсіптік оқу орындарының оқушыларының ауысуы
және оқушы қатарына қайта тағайындалуы туралы қағида
1. Жалпы ереже
1. Бастауыш және орта кәсіптік оқу орындарының оқушыларының ауысуы, оқушы қатарына қайта тағайындалуы жөніндегі осы ереже Қазақстан Республикасы "Білім туралы" Заңының орындалуы мақсатында әзiрленген және оқушылардың оқу орындарының бiрiнен екiншiсiне, бiр мамандықтан басқа мамандыққа немесе оқудың бiр түрiнен екiншi түрiне, мемлекеттiк емес оқу орнынан мемлекеттiк оқу орнына ауысу ретін анықтайды.
