«Нұр-Сұлтан қаласында бейбіт жиналыстарды ұйымдастыру және өткізу үшін арнайы орындарды анықтау туралы» Нұр-Сұлтан қаласы мәслихатының 2020 жылғы 30 маусымдағы № 512/68-VI шешімі (күші жойылды)

Нұр-Сұлтан қаласында бейбіт жиналыстарды ұйымдастыру және өткізу үшін арнайы орындарды анықтау туралы
Нұр-Сұлтан қаласы мәслихатының 2020 жылғы 30 маусымдағы № 512/68-VI шешімі

Астана қаласы мәслихатының 2023 жылғы 26 желтоқсандағы № 133/16-VIII шешімімен күші жойылды

Қазақстан Республикасының 2020 жылғы 25 мамырдағы «Қазақстан Республикасында бейбіт жиналыстарды ұйымдастыру және өткізу тәртібі туралы» Заңының 8 бабы, 2 тармақшасына сәйкес, Нұр-Сұлтан қаласының мәслихаты ШЕШІМ ҚАБЫЛДАДЫ:

1. Нұр-Сұлтан қаласында бейбiт жиналыстар, митингiлер, шерулер, пикеттер өткізуге келесі орындар белгіленсін:

1) А. Пушкин көшесі мен Ш.Құдайбердіұлы даңғылы қиылысындағы саябақ;

2) «Столичный» циркі жанындағы алаң;

3) Жеңіс, Абая даңғылы, Т. Бегелдинов және Желтоқсан көшелері төртбұрышындағы алаң.

2. Шеру өткізу үшін бағдар ретінде Абай көшесі бойындағы Жазушылар аллеясынан А. Пушкин көшесі мен Ш.Құдайбердіұлы даңғылы қиылысындағы саябаққа дейінгі аралық бекітілсін.

3. Бейбіт жиналыс орындарын пайдалану ережесі 1-Қосымшаға сәйкес бекітілсін.

4. Пикеттеу ережесі 2-Қосымшаға сәйкес бекітілсін.

5. Астана қалалық мәслихатының «Астана қаласында бейбiт жиналыстар, митингiлер, шерулер, пикеттер өткізу тәртібін қосымша регламенттеу туралы» 2013 жылғы 24 қыркүйектегі № 175/23-V шешімінің (Нормативтік құқықтық актілерді мемлекеттік тіркеу тізілімінде № 789 болып тіркелген, 2013 жылғы 13 қарашадағы № 133 «Астана ақшамы», «Вечерняя Астана» газеттерінде жарияланған) күші жойылды деп танылсын.

6. Аталған шешім оның бірінші ресми жарияланған күнінен бастап он күнтізбелік күн өткесін күшіне енеді.

Нұр-Сұлтан қаласы мәслихатының

2020 жылғы 30 маусымдағы

№ 512/68-VI шеміміне

1-қосымша

Бейбіт жиналыстар мен шерулерді ұйымдастыру және өткізу үшін арнайы орындарды пайдалану

ТӘРТІБІ