Қазақстан Республикасы Президентінің
Жарлығы
Қазақстан Республикасының 2015 жылға дейінгі аумақтық даму стратегиясы туралы
ҚР Президентінің 2011 жылғы 21 шілдедегі № 118 Жарлығымен күші жойылды
ҚР Президенті Әкімшілігінің Әлеуметтік-экономикалық талдау бөлімінің түсініктемесін қара
Елдің орнықты дамуы және халықтың тыныс-тіршілігі үшін қолайлы жағдайлар жасауды қамтамасыз ету мақсатында қаулы етемін:
1. Қоса беріліп отырған Қазақстан Республикасының 2015 жылға дейінгі аумақтық даму стратегиясы (бұдан әрі - Стратегия) бекітілсін.
2. Қазақстан Республикасының Үкіметі:
1) бір ай мерзімде Стратегияны іске асыру жөніндегі іс-шаралар жоспарын әзірлесін және бекітсін;
2) жыл сайын 30 қаңтарға Мемлекет басшысын Стратегияның орындалу барысы туралы хабардар етсін;
3) осы Жарлықтан туындайтын өзге де шаралар қабылдасын.
3. Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін.
4. Осы Жарлық қол қойылған күнінен бастап қолданысқа енгізіледі.
Қазақстан Республикасының
Президенті
Н. Назарбаев
Астана, Ақорда, 2006 жылғы тамыздың 28-сі.
№ 167
Президентінің
2006 жылғы 28 тамыздағы
№ 167 Жарлығымен
БЕКІТІЛГЕН
Қазақстан Республикасының
2015 жылға дейінгі аумақтық даму
СТРАТЕГИЯСЫ
Қазақстан Республикасының Президенті Н.Ә. Назарбаевтың
Қазақстан халқына жолдауларынан:
«Қазақстан бүгін Еуропа мен Азия арасындағы коммуникациялар легінің түйіскен тұсында тұр. Біздің міндет - осынау бірегей геосаяси жағдайымызды өз еліміз бен халықаралық қоғамдастықтың мүддесі үшін ұтымды пайдалану.»
«Бүгінгі таңда тұтас алғанда еліміздегі экономикалық жаңарудың «локомотиві» болуға қабілетті дамыған өңірлік орталықтардың экономикалық қызметін жандандыруға, сондай-ақ өңірлердің ұтымды экономикалық мамандануын қалыптастыруға бағытталған осы заманғы жаңа аумақтық даму стратегиясы қажет.»
Мазмұны