Қазақстан Республикасының Ауылдық аумақтарын дамытудың
2004-2010 жылдарға арналған мемлекеттік бағдарламасын іске асыру жөніндегі
2007-2009 жылдарға арналған іс-шаралар жоспарын бекіту туралы
Қазақстан Республикасы Үкіметінің 2007 жылғы 11 сәуірдегі № 286 Қаулысы
«Қазақстан Республикасының Ауылдық аумақтарын дамытудың 2004-2010 жылдарға арналған мемлекеттік бағдарламасы туралы» Қазақстан Республикасы Президентінің 2003 жылғы 10 шілдедегі № 1149 Жарлығын іске асыру мақсатында Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған Қазақстан Республикасының Ауылдық аумақтарын дамытудың 2004-2010 жылдарға арналған мемлекеттік бағдарламасын іске асыру жөніндегі 2007-2009 жылдарға арналған іс-шаралар жоспары (бұдан әрі - Іс-шаралар жоспары) бекітілсін.
2. Қазақстан Республикасының орталық, жергілікті атқарушы және өзге де мемлекеттік органдары, сондай-ақ мүдделі ұйымдар:
1) Іс-шаралар жоспарын іске асыру жөнінде шаралар қабылдасын;
2) тоқсан сайын есепті тоқсаннан кейінгі айдың 20-күнінен кешіктірмей Қазақстан Республикасы Ауыл шаруашылығы министрлігіне:
Іс-шаралар жоспарының орындалу барысы туралы ақпарат;
Қазақстан Республикасының Ауылдық аумақтарын дамытудың 2004-2010 жылдарға арналған мемлекеттік бағдарламасының іске асырылу барысы туралы талдамалық ақпарат беруді қамтамасыз етсін.
3. Қазақстан Республикасы Ауыл шаруашылығы министрлігі Қазақстан Республикасының Үкіметіне жарты жылдықтың қорытындысы бойынша жылына екі рет 1 ақпаннан және 1 тамыздан кешіктірмей:
1) Іс-шаралар жоспарының орындалуы туралы жиынтық ақпарат;
2) Қазақстан Республикасының Ауылдық аумақтарын дамытудың 2004-2010 жылдарға арналған мемлекеттік бағдарламасының орындалу барысы туралы жиынтық талдамалық-ақпарат берсін.
4. Осы қаулының орындалуын бақылау Қазақстан Республикасы Премьер-Министрінің Кеңсесіне жүктелсін.
5. Осы қаулы қол қойылған күнінен бастап қолданысқа енгізіледі.