Қазақстан Республикасы Үкіметінің 2007 жылғы 15 қаңтардағы № 20 қаулысына өзгерістер мен толықтырулар енгізу туралы
Қазақстан Республикасы Үкіметінің 2008 жылғы 16 сәуірдегі № 356 Қаулысы
Қазақстан Республикасының Үкіметі ҚАУЛЫ ЕТЕДІ:
1. «Қазақстан Республикасы Президентінің 2007 жылғы 13 қаңтардағы № 273 Жарлығын іске асыру жөніндегі шаралар туралы» Қазақстан Республикасы Үкіметінің 2007 жылғы 15 қаңтардағы № 20 қаулысына мынадай өзгерістер мен толықтырулар енгізілсін:
4-тармақта:
1), 3) және 4) тармақшалар алынып тасталсын;
мынадай мазмұндағы 5), 6) және 7) тармақшалармен толықтырылсын:
«5) осы қаулыға 5-қосымшаға сәйкес құрамда мемлекеттік басқару органдары арасындағы өкілеттіктердің аражігін ажырату мәселелері;
6) осы қаулыға 6-қосымшаға сәйкес құрамда қолданыстағы заңнаманың нормаларын бизнес үшін ауыртпалық болып табылатын әкімшілік кедергілерді азайту тұрғысынан талдау және қайта қарау, әкімшілік регламенттерді және рәсімдерді оңайлату, оның ішінде олардың қаржылық қамтамасыз етілу мәселелері;
7) осы қаулыға 7-қосымшаға сәйкес құрамда мемлекеттік қызметті реформалау, мемлекеттік қызметтер стандарттарын әзірлеу және енгізу мәселелері.»;
осы қаулыға 1, 2 және 3-қосымшаларға сәйкес 5, 6 және 7-қосымшалармен толықтырылсын.
2. Осы қаулы қол қойылған күнінен бастап қолданысқа енгізіледі.