3. Деңгейлес мониторинг туралы келісім оны ұзарту жəне (немесе) бұзу мүмкіндігімен кемінде үш жыл мерзімге жасалады.
148-бап. Деңгейлес мониторингті жүргізу тəртібі бойынша жалпы ережелер
1. Деңгейлес мониторингті жүзеге асыру деңгейлес мониторинг туралы келісім жасалған жылдан кейінгі жылдың бірінші қаңтарынан басталады.
Деңгейлес мониторинг жүргізілетін күнтізбелік жыл есепті кезең болып табылады (бұдан əрі осы параграфтың мақсатында - мониторингтің есепті кезеңі).
2. Егер осы баптың 3-тармағында өзгеше белгіленбесе, мониторингтің есепті кезеңінде деңгейлес мониторинг көрсетілген кезең ішінде де, ол аяқталғаннан кейін де жүргізіледі, бірақ ол мониторингтің тиісті есепті кезеңі аяқталған жылдан кейінгі екінші жылдың 30 маусымынан кешіктірілмеуге тиіс.
Осы тармақтың бірінші бөлігінде көрсетілген мерзім аяқталған соң мониторингтің есепті кезеңіне қатысты деңгейлес мониторинг тоқтатылады.
Деңгейлес мониторинг жүргізуді тоқтатқанға дейін үш айдан аз уақытта деңгейлес мониторингтің есепті кезеңіне кіретін салықтық кезеңдер үшін деңгейлес мониторингке қатысушы қосымша салықтық есептілікті ұсынған жағдайда, деңгейлес мониторинг ұзартылады, бірақ ол күнтізбелік тоқсан күннен аспауға тиіс.
1) деңгейлес мониторингке қатысушы мониторингтің көрсетілген есепті кезеңіне кіретін салықтық кезеңдер үшін қосымша салықтық есептілік ұсынған;
2) деңгейлес мониторингті жүргізу кезеңінде уəкілетті орган жіберген сұрау салуларға жауаптар алынған;
3) құжаттамамен расталған, Қазақстан Республикасының салық заңнамасын болжамды бұзушылықтарды көрсететін деңгейлес мониторингке қатысушының қызметі туралы мəліметтерді алған кезде деңгейлес мониторингті жүргізу тоқтатылған мониторингтің есепті кезеңінде күнтізбелік жүз жиырма күннен аспайтын мерзімге деңгейлес мониторинг жүргізуді қайта бастауға құқылы.
Деңгейлес мониторинг осы тармақта көзделген құжаттар мен мəліметтерде көрсетілген мəселелер шеңберінде қайта басталады.
4. Деңгейлес мониторингті уəкілетті орган:
1) деректер сөресінде орналастырылған ақпараттар мен құжаттарды, салықтық, бухгалтерлік есепке алуды жəне өзге де есепке алу түрлерін, бастапқы құжаттарды талдау;
2) мониторингтің есепті кезеңінде салық салу саласындағы ішкі бақылау жүйесі бойынша деңгейлес мониторингке қатысушының есептері;
3) салық органдарында бар деңгейлес мониторингке қатысушының қызметі туралы басқа да құжаттар мен мəліметтер негізінде жүргізеді.
Уəкілетті орган мониторингтің есепті кезеңінде салықтық есепке алудың дұрыстығын анықтау жəне салықтық міндеттемелерді есептеу мақсатында, талдау үшін қажет етілетін қосымша ақпарат пен құжаттарды сұратуға құқылы.
5. Деңгейлес мониторингті жүргізу барысында уəкілетті орган мен деңгейлес мониторингке қатысушы арасында туындайтын келіспеушіліктерді реттеу мақсатында уəкілетті орган Консультативтік кеңес құрады.
Консультативтік кеңес:
1) хаттамада көрсетілген деңгейлес мониторингке қатысушымен келіспеушіліктер;
2) деңгейлес мониторинг туралы келісімді бұзу мəселелерін қарайды.
Мəселелерді қараудың қорытындысы бойынша Консультативтік кеңес уəжді шешім шығарады.
Деңгейлес мониторинг туралы келісімді бұзу туралы уəжді шешім деңгейлес мониторингті жүргізу тəртібінде айқындалған жəне осы Кодекстің 149-бабы 6-тармағының үшінші абзацында белгіленген жағдайларда қабылданады.
Консультативтік кеңестің құрамын жəне оның қызметі туралы ережені уəкілетті орган айқындайды. Бұл ретте Консультативтік кеңестің құрамына уəкілетті органның жəне деңгейлес мониторингке қатысушының өкілдері кіреді.
6. Деңгейлес мониторингті жүргізу тəртібін уəкілетті орган айқындайды.
149-бап. Деңгейлес мониторингтің нəтижелері бойынша ұсынымдар
1. Уəкілетті орган деңгейлес мониторингті жүргізу барысында:
Қазақстан Республикасының салық заңнамасының бұзылуы анықталған кезде деңгейлес мониторингке қатысушыға өз бетінше жою үшін Қазақстан Республикасының салық заңнамасын бұзу фактісін куəландыратын негіздемелер мен дəлелдерді сипаттай отырып, салықтық міндеттемені орындау мəселелері жөніндегі ұсынымды жібереді;
деңгейлес мониторингке қатысушыға салық салу саласындағы ішкі бақылау жүйесін жақсарту жөнінде ұсыным беруге құқылы.
2. Деңгейлес мониторингке қатысушы салықтық міндеттемені орындау мəселелері жөніндегі ұсыным жəне (немесе) салық салу саласындағы ішкі бақылау жүйесін жақсарту жөніндегі ұсыным табыс етілген күннен кейінгі отыз жұмыс күні ішінде:
1) салықтық міндеттемені орындау мəселелері жөніндегі ұсыныммен келіскен жағдайда, бұзушылықтар анықталған салықтық кезеңге қосымша салықтық есептілік ұсынады жəне бұл туралы уəкілетті органға хабар береді;
2) салық салу саласындағы ішкі бақылау жүйесін жақсарту жөніндегі ұсыныммен келіскен жағдайда, оны іске асыру мерзімдері көрсетілген хатты ұсынады;
3) салықтық міндеттемені орындау мəселелері жөніндегі ұсыныммен жəне (немесе) салық салу саласындағы ішкі бақылау жүйесін жақсарту жөніндегі ұсыныммен келіспеген жағдайда, түсінік береді.
3. Уəкілетті орган салықтық міндеттемені орындау мəселелері жөніндегі ұсынымға жəне (немесе) салық салу саласындағы ішкі бақылау жүйесін жақсарту жөніндегі ұсынымға деңгейлес мониторингке қатысушының түсінігін алған күннен кейінгі отыз жұмыс күні ішінде:
1) ұсынылған түсінікпен келіскен жағдайда - деңгейлес мониторингке қатысушыға түсінікпен келісетіні туралы хабархат ұсынады;
2) ұсынылған түсінікпен келіспеген жағдайда, деңгейлес мониторингке қатысушымен қосымша талқылау жүргізеді.
Егер қосымша талқылау нəтижелері бойынша келіспеушіліктер жойылмаса, уəкілетті орган деңгейлес мониторингке қатысушымен келіспеушіліктер хаттамасын жасайды.
4. Консультативтік кеңес келіспеушіліктер хаттамасында көрсетілген мəселелерді қарау қорытындылары бойынша деңгейлес мониторинг бойынша мынадай:
1) салықтық міндеттемені орындау мəселелері жəне (немесе) салық салу саласындағы ішкі бақылау жүйесін жақсарту жөніндегі ұсынымдарды өзгеріссіз қалдыру туралы;
2) салықтық міндеттемені орындау мəселелері жəне (немесе) салық салу саласындағы ішкі бақылау жүйесін жақсарту жөніндегі ұсынымдардың күшін толық немесе бір бөлігінде жою туралы уəжді шешімдердің (бұдан əрі осы параграфтың мақсатында - уəжді шешім) бірін қабылдайды.
Уəжді шешім деңгейлес мониторингке қатысушыға осындай шешім қабылданған күннен кейінгі бес жұмыс күні ішінде табыс етіледі.
5. Деңгейлес мониторингке қатысушы:
1) уəжді шешіммен келіспеген жағдайда, бұл туралы уəкілетті органға осындай шешім табыс етілген күннен кейінгі бес жұмыс күні ішінде хабарлайды;
салықтық міндеттемені орындау мəселелері жөніндегі уəжді шешіммен келіскен жағдайда, осындай шешім табыс етілген күннен кейінгі он бес жұмыс күні ішінде мұндай шешімді орындайды;
салық салу саласындағы ішкі бақылау жүйесін жақсарту жөніндегі уəжді шешіммен келіскен жағдайда, іске асыру мерзімдерін көрсете отырып, осындай шешімді орындайды, бұл туралы уəкілетті органға осындай шешім табыс етілген күннен кейінгі он бес жұмыс күні ішінде хабарлайды.
6. Салықтық міндеттемені орындау мəселелері жөніндегі деңгейлес мониторинг бойынша уəжді шешіммен келіспеген жəне (немесе) мұндай шешімді орындамаған жағдайда, тақырыптық салықтық тексеру жүргізіледі.
Бұл ретте осы тармақтың бірінші бөлігінде айқындалған уəжді шешім - салықтық тексеруді тағайындауды көздейтін салық органының алдын ала актісі, ал деңгейлес мониторингке қатысушының түсінігі - осындай алдын ала шешімге ұстанымы деп танылады.
Салық салу саласындағы ішкі бақылау жүйесін жақсарту мəселелері жөніндегі деңгейлес мониторинг бойынша уəжді шешіммен келіспеген жəне (немесе) мұндай шешімді орындамаған жағдайда, уəкілетті орган Консультативтік кеңеске деңгейлес мониторинг туралы келісімді бұзу туралы мəселені шығарады.
150-бап. Алдын ала түсіндірмені ұсыну тəртібі
1. Уəкілетті орган жоспарланып отырған мəмілелерге (операцияларға) қатысты салықтық міндеттеменің туындауы бойынша алдын ала түсіндірме ұсыну туралы деңгейлес мониторингке қатысушының сұрау салуы (бұдан əрі осы тараудың мақсатында - сұрау салу) бойынша алдын ала түсіндірме ұсынады.
1) деңгейлес мониторингке қатысушының сəйкестендіру деректері;
2) жоспарланып отырған мəміленің (операцияның) мақсаты мен шарттарының, оның ішінде тараптардың құқықтары мен міндеттерінің сипаттамасы;
3) жоспарланып отырған мəмілеге (операцияға) қатысты салықтар мен бюджетке төленетін төлемдерді есептеу мəселесі бойынша деңгейлес мониторингке қатысушының ұстанымы;
4) қоса беріліп отырған құжаттардың, оның ішінде сұрау салуда көрсетілген мəліметтерді растайтын құжаттардың тізбесі (бар болса);
5) қол қойылған күні қамтылуға тиіс.
Сұрау салуда алдын ала түсіндірмені дайындау үшін маңызы бар өзге де мəліметтер көрсетілуі мүмкін.
3. Деңгейлес мониторингке қатысушы уəкілетті орган алдын ала түсіндірме ұсынған күнге дейін сұрау салуды кері қайтарып алуға құқылы.
4. Деңгейлес мониторингке қатысушының осы баптың 2-тармағында белгіленген талаптарды сақтамауы сұрау салуды қараудан бас тартуға негіз болып табылады.
5. Сұрау салуды қарау Қазақстан Республикасының Əкімшілік рəсімдік-процестік кодексінде айқындалған тəртіппен жүзеге асырылады.
6. Алдын ала түсіндірмені дайындау барысында уəкілетті орган деңгейлес мониторингке қатысушыны алдын ала түсіндірмені дайындау үшін маңызы бар қосымша мəліметтер алу үшін шақыруға құқылы.
7. Алдын ала түсіндірме деңгейлес мониторингке қатысушы ұсынған мəліметтер мен құжаттар шегінде ұсынылады.
1-параграф. Салықтық бақылаудың жалпы ережелері
151-бап. Салықтық бақылау
1. Салықтық бақылау - сақталуын бақылау салық органдарына жүктелген, салық органдары жүзеге асыратын Қазақстан Республикасының салық заңнамасы мен Қазақстан Республикасының өзге де заңнамасы нормаларының орындалуын мемлекеттік бақылау.
2. Салықтық бақылауды салықтық тексеруді жүргізу арқылы тек салық органдары жүзеге асырады.
3. Салықтық тексеру жүргізудің жалпы тəртібі осы Кодексте, сондай-ақ осы Кодексте реттелмеген бөлігінде Қазақстан Республикасының Кəсіпкерлік кодексінде айқындалады.
1. Салықтық тексеру кешенді, тақырыптық, қарсы салықтық тексеру, хронометраждық зерттеп-қарау нысанында жүзеге асырылады.
Салықтық тексеруге жататын кезең талап қоюдың ескіру мерзімінен аспауға тиіс.
Салық органдары заңды тұлғаның өзіне салықтық тексеру жүргізілуіне қарамастан, заңды тұлғаның құрылымдық бөлімшелеріне салықтық тексерулерді жүзеге асыруға құқылы.
2. «Жедел-іздестіру қызметі туралы» Қазақстан Республикасының Заңына сəйкес жедел-іздестіру қызметін жүзеге асыратын органдардың қызметкерлеріне қатысты салықтық тексеру ерекше тəртіппен жүргізіледі.
Салықтық тексеруді жүргізудің ерекше тəртібін арнаулы мемлекеттік органдармен, Қазақстан Республикасы Қорғаныс министрлігінің əскери барлау органдарымен, құқық қорғау органдарымен бірлесіп, уəкілетті орган айқындайды.
3. Тексерілетін кезеңді айқындау кезінде:
1) резидент-заңды тұлғаны, бейрезидент-заңды тұлғаның құрылымдық бөлімшесін қайта ұйымдастыру немесе тарату кезінде тағайындалатындарды қоспағанда, кешенді салықтық тексеру;
2) салық төлеушінің (салық агентінің) өзінің салықтық өтініші немесе шағымы бойынша, оның ішінде:
қосылған құн салығы бойынша төлеушіні тіркеу есебінен шығаруға байланысты салықтық өтініші бойынша;
салықтық тексеру нəтижелері туралы хабарламаға салық төлеушінің (салық агентінің) шағымына байланысты тақырыптық салықтық тексеру тағайындалған кезде салықтар бойынша аудитпен қамтылған салықтық кезең енгізілмейді.
Осы тармақтың бірінші бөлігінің ережесі:
1) салықтық мониторингке жататын салық төлеушілерге;
2) жер қойнауын пайдаланушыларға;
3) акцизделетін өнімнің, биоотынның жекелеген түрлерін өндіру жəне олардың айналымы жөніндегі қызмет түрлерін жүзеге асыратын салық төлеушілерге қатысты салықтық тексерулерге қолданылмайды.
4. Салықтық тексеру салықтық жүктеме коэффициентінің көрсеткішін ескере отырып, осы Кодекске сəйкес тағайындалады.
Бұл ретте салық төлеушінің салықтық жүктемесінің коэффициенті тиісті қызмет түрі бойынша жəне қызмет жүзеге асырылатын өңірді ескере отырып, салықтық жүктеме коэффициенті жоғарғы көрсеткішінің кемінде 90 пайызын құрайтын салықтық кезеңге кешенді салықтық тексеру тағайындалмайды.
Осы тармақтың екінші бөлігінің ережелері прокуратура органдарының талабы бойынша Қазақстан Республикасының Қылмыстық-процестік заңнамасында көзделген негіздерде салық төлеушінің өз өтініші бойынша кешенді салықтық тексеру тағайындалған жағдайларға қолданылмайды.
153-бап. Салықтық тексеруді тағайындау жағдайлары мен негіздері
1) салық төлеуші (салық агентінің) осы Кодексте көзделген өтінішті, талаптарды берген;
2) Қазақстан Республикасының Қылмыстық-процестік кодексінде көзделген негіздер болған;
3) салық органы салықтық тексеруді жүргізу туралы шешім қабылдаған жағдайларда тағайындалады.
Салық органының салықтық тексеруді жүргізу туралы шешім қабылдау тəртібі мен негізін уəкілетті орган айқындайды;
4) жер қойнауын пайдалану құқығын жер қойнауын пайдаланудың лицензиялық режиміне қайта ресімдеу жағдайларын қоспағанда, жер қойнауын пайдалануға арналған келісімшарттың қолданылу мерзімі өткен жағдайларда тағайындалады.
2. Салықтық тексеру нұсқама негізінде жүргізіледі.
3. Салықтық тексеру бұрын тексерілген кезеңге жүргізілуі мүмкін.
Бұрын тексерілген кезеңге салықтық тексеру:
1) салық төлеушінің (салық агентінің) өтініші, талабы, шағымы бойынша;
2) Қазақстан Республикасының Қылмыстық-процестік кодексінде көзделген негіздер бойынша;
3) уəкілетті органның шешімі негізінде жүргізіледі.
Салық төлеуші (салық агенті) салықтық тексеру нəтижелері туралы хабарламаға сотқа шағым берген жағдайда, бұрын тексерілген кезеңге шағым жасалған мəселе бойынша салықтық тексеру сот актісі заңды күшіне енгенге дейін жүргізілмейді.
4. Салық төлеуші деңгейлес мониторингте болған салықтық кезеңдерге салықтық тексеру жүргізілмейді, бұған мыналар:
2) салық төлеушінің (салық агентінің) өтініші, талабы, шағымы бойынша салықтық тексерулер;
3) Қазақстан Республикасының Қылмыстық-процестік кодексінде көзделген негіздер бойынша салықтық тексерулер;
4) салықтық міндеттемені орындау мəселелері бойынша деңгейлес мониторинг жөніндегі уəжді шешіммен келіспеуге жəне (немесе) мұндай шешімді орындамауға байланысты салықтық тексерулер;
тауарларды Қазақстан Республикасының аумағы арқылы, оның ішінде ЕАЭО-ға мүше мемлекеттер арасында халықаралық автомобиль тасымалдарымен жүзеге асырылатын алып өту, өткізу жəне (немесе) тиеп-жөнелту кезінде;
тауарларды ЕАЭО-ға мүше болып табылмайтын мемлекеттердің жəне ЕАЭО-ға мүше мемлекеттердің аумағынан Қазақстан Республикасының аумағына əкелу кезінде;
тауарларды Қазақстан Республикасының аумағынан ЕАЭО-ға мүше болып табылмайтын мемлекеттердің жəне ЕАЭО-ға мүше мемлекеттердің аумағына əкету кезінде тауарларға ілеспе жүкқұжаттардың болуы жəне тауарлар атауының, санының (көлемінің) тауарларға ілеспе жүкқұжаттарда көрсетілген мəліметтерге сəйкестігі мəселелері бойынша салықтық тексерулер;
6) сəйкестендіру құралдарының жəне есепке алу-бақылау маркаларының болуы мен төлнұсқалығы мəселелері бойынша салықтық тексерулер;
7) лицензияның болуы мəселелері бойынша салықтық тексерулер;
8) ЕАЭО-ға мүше мемлекеттер арасында импортталатын жəне алып өтілетін тауарларға тауар-көлік жүкқұжаттарының болуы жəне тауарлар атауының тауар- көлік жүкқұжаттарында көрсетілген мəліметтерге сəйкестігі мəселелері бойынша салықтық тексерулер;
9) бақылау-касса машиналарын қолдану тəртібін сақтау мəселелері бойынша салықтық тексерулер;
10) Қазақстан Республикасының рұқсаттар жəне хабарламалар туралы заңнамасын жəне акцизделетін тауарлардың жекелеген түрлерін өндіру, сақтау жəне өткізу шарттарын сақтау мəселелері бойынша салықтық тексерулер;
11) Қазақстан Республикасы ратификациялаған халықаралық шарттарға жəне (немесе) Қазақстан Республикасының заңнамасына сəйкес міндетті таңбалауға жататын тауарлар бойынша тауарда сəйкестендіру құралының болуы жəне оның төлнұсқалығы мəселелері бойынша салықтық тексерулер;
12) акцизделетін тауарлардың жекелеген түрлерінің өндірісін жəне айналымын, сондай-ақ авиациялық отын, биоотын, мазут айналымын мемлекеттік реттеу мəселелері бойынша салықтық тексерулер;
13) салық төлеуші мен оның дебиторлары арасындағы өзара есеп айырысуларды айқындау мəселелері бойынша салықтық тексерулер;
14) трансферттік баға белгілеу мəселелері бойынша салықтық тексерулер кірмейді.
154-бап. Салық органының нұсқамасы
1. Салық органының нұсқамасында:
1) салық органында нұсқаманың тіркелген күні мен нөмірі;
2) салықтық тексеру салық төлеушіге (салық агентіне) қатысты тікелей тағайындалған жағдайларда - салық төлеушінің (салық агентінің) сəйкестендіру деректері;
3) нұсқаманы шығарған салық органының атауы;
4) Кəсіпкерлік кодексте көзделген жағдайларда салықтық тексерудің түрі мен нысаны;
5) салықтық тексеру салық төлеушіге (салық агентіне) қатысты тікелей тағайындалатын жағдайларда - хронометраждық зерттеп-қарауды қоспағанда, салықтық тексеру мерзімі, тексерілетін кезеңдер;
6) салықтық тексеру нақты салық төлеушіге (салық агентіне) қатысты тағайындалмаған жағдайларда - аумақтың тексерілетін учаскесі, салықтық тексеру барысында анықталуға жататын мəселелер;
7) салық органының салықтық тексеруді жүргізуге уəкілеттік берілген лауазымды адамдарының, сондай-ақ осы Кодекске сəйкес салықтық тексеру жүргізуге қатысу үшін тартылатын мамандардың тегі, аты жəне əкесінің аты қамтылуға тиіс.
Салық органының нұсқамасы электрондық құжат нысанында жазып берілуі мүмкін.
2. Хронометраждық зерттеп-қарауды қоспағанда, салықтық тексерулерді тағайындау кезінде салық органының нұсқамасында салықтық тексерудің нысанына қарай, тексеруге жататын мəселелер көрсетіледі.
Кешенді салықтық тексеру жүргізуге арналған нұсқамада тексерілетін салықтардың, бюджетке төленетін төлемдердің жəне əлеуметтік төлемдердің түрлері көрсетілмейді.
3. Егер осы тармақта өзгеше белгіленбесе, нұсқамаға салық органының бірінші басшысы немесе оны алмастыратын адам қол қояды.
Қарсы салықтық тексеруді, сондай-ақ хронометраждық зерттеп-қарауды жүргізуге арналған нұсқамаға салық органы басшысының орынбасары не оны алмастыратын адам қол қоя алады.
4. Салық органы қосымша нұсқаманы мынадай:
1) салықтық тексеру жүргізу мерзімдері ұзартылған;
2) салық органының салықтық тексеруді жүргізетін лауазымды адамдарының саны өзгерген жəне (немесе) олар алмастырылған;
3) тексерілетін кезең өзгерген жағдайда жазып береді.
Қосымша нұсқамада:
1) алдыңғы нұсқаманың тіркелген күні мен нөмірі;
2) салық органы лауазымды адамдарының жəне осы Кодекске сəйкес салықтық тексеруді жүргізуге тартылатын мамандардың тегі, аты жəне əкесінің аты қамтылуға тиіс.
155-бап. Кешенді салықтық тексеру
1. Кешенді салықтық тексеру - салықтардың, бюджетке төленетін төлемдердің барлық түрлері бойынша салықтық міндеттемені жəне əлеуметтік міндеттемелерді орындау мəселелері бойынша салықтық тексеру.
Кешенді салықтық тексеруге тақырыптық салықтық тексерулер мəселелері енгізілуі мүмкін.
2. Салық төлеуші таратылған немесе оның қызметі тоқтатылған кезде тек қана кешенді салықтық тексеру (бұдан əрі - таратудың салықтық тексеруі) жүргізіледі.
Резидент -заңды тұлғаның құрылымдық бөлімшесі тіркеу есебінен шығарылған кезде кешенді салықтық тексеру, салық төлеуші осындай тексеруді жүргізуге өтініш берген жағдайды қоспағанда, жүргізілмейді.
156-бап. Тақырыптық салықтық тексеру
1. Тақырыптық салықтық тексеру - сақталуын бақылау салық органына жүктелген, салықтардың жəне (немесе) бюджетке төленетін төлемдердің жекелеген түрлері бойынша салықтық міндеттеменің жəне (немесе) əлеуметтік міндеттеменің жəне осы Кодекс пен Қазақстан Республикасы заңнамасының өзге де талаптарының орындалуын салықтық тексеру.
2. Тақырыптық салықтық тексеру:
1) салықтардың жəне (немесе) бюджетке төленетін төлемдердің жекелеген түрлері бойынша салықтық міндеттемені орындау;
2) əлеуметтік төлемдерді есептеудің, ұстап қалудың жəне аударудың толықтығы мен уақтылығы;
3) сот шот-фактура жазып берудің жасалуын іс жүзінде жұмыстарды орындамай, қызметтерді көрсетпей, тауарларды тиеп-жөнелтпей жүзеге асырылды деп таныған шот-фактура жазып беру жөніндегі əрекет (əрекеттер) бойынша салықтық міндеттемені айқындау;
4) іс жүзінде жұмыстарды орындамай, қызметтерді көрсетпей, тауарларды тиеп-жөнелтпей шот-фактураларды жазып беру жөніндегі əрекеттерді жасау фактісі бойынша өзіне (өздеріне) қатысты сотқа дейінгі тергеп-тексеру жүргізіліп жатқан салық төлеушімен (салық төлеушілермен) өзара есеп айырысулар бойынша салықтық міндеттемені айқындау;
5) салық органы осы Кодекстің 88-бабы 1-тармағының 1) тармақшасына сəйкес электрондық шот-фактуралардың жазып берілуін тоқтата тұруды қолданған салық төлеушімен (салық төлеушілермен) өзара есеп айырысулар бойынша салықтық міндеттемені айқындау;
6) салық төлеуші мен оның дебиторлары арасындағы өзара есеп айырысуларды айқындау;
7) ЕАЭО-ға мүше мемлекеттер арасында импортталатын жəне алып өтілетін тауарларға тауар-көлік жүкқұжаттарының болуы жəне тауарлар атауының тауар-көлік жүкқұжаттарында көрсетілген мəліметтерге сəйкестігі;
тауарларды Қазақстан Республикасының аумағы арқылы, оның ішінде ЕАЭО-ға мүше мемлекеттер арасында халықаралық автомобиль тасымалдарымен жүзеге асырылатын алып өту, өткізу жəне (немесе) тиеп-жөнелту кезінде;
тауарларды ЕАЭО-ға мүше болып табылмайтын мемлекеттердің жəне ЕАЭО-ға мүше мемлекеттердің аумағынан Қазақстан Республикасының аумағына əкелу кезінде;
тауарларды Қазақстан Республикасының аумағынан ЕАЭО-ға мүше болып табылмайтын мемлекеттердің жəне ЕАЭО-ға мүше мемлекеттердің аумағына əкету кезінде тауарларға ілеспе жүкқұжаттардың болуы жəне тауарлар атауының, санының (көлемінің) тауарларға ілеспе жүкқұжаттарда көрсетілген мəліметтерге сəйкестігі;
9) Қазақстан Республикасының Дүниежүзілік сауда ұйымына қосылуына байланысты кедендік баждардың төмендетілген мөлшерлемелері қолданылатын тауарлардың тізбесіне енгізілген тауарлар қалдықтарының болуын растау;
10) халықаралық шарттардың ережелерін қолданудың құқыққа сыйымдылығы;
11) бейрезидент қосарланған салық салуды болғызбау жəне салықтарды төлеуден жалтаруға жол бермеу мəселелерін реттейтін халықаралық шарттың ережелерін қолдануға байланысты бюджеттен қайтаруды ұсынған табыс салығын растау;
12) бейрезиденттің қосарланған салық салуды болғызбау жəне салықтарды төлеуден жалтаруға жол бермеу мəселелерін реттейтін халықаралық шарттың ережелерін қолдануға байланысты бюджеттен табыс салығын қайтаруға арналған салықтық өтінішін қайтадан қарау туралы жолданымында баяндалған мəселелер;
13) тауарларды Қазақстан Республикасының аумағынан ЕАЭО-ға мүше мемлекеттердің аумағына əкету кезінде халықаралық шарттарды іске асыру үшін қабылданған Қазақстан Республикасының нормативтік құқықтық актілерінде көзделген құжаттардың болуы жəне тауарлардың құжаттарда көрсетілген мəліметтерге сəйкестігі;
14) жекелеген жағдайларда шет мемлекеттерден, халықаралық жəне шетелдік ұйымдардан, шетелдіктерден, азаматтығы жоқ адамдардан ақша жəне (немесе) өзге де мүлікті алу, жұмсау кезінде тұлғаның жəне (немесе) заңды тұлға құрылымдық бөлімшесінің осы Кодексте белгіленген талаптарды орындауы;
15) Қазақстан Республикасы ратификациялаған халықаралық шарттарға жəне (немесе) Қазақстан Республикасының заңнамасына сəйкес міндетті таңбалауға жататын тауарлар бойынша тауарда сəйкестендіру құралдарының болуы жəне оның төлнұсқалығы;
16) Қазақстан Республикасының акцизделетін тауарлардың жекелеген түрлерінің өндірісін жəне айналымын, сондай-ақ авиациялық отынның, биоотынның, мазуттың айналымын мемлекеттік реттеу туралы заңнамаларының талаптарын сақтау;
17) сəйкестендіру құралдары мен есепке алу-бақылау маркаларының болуы жəне олардың төлнұсқалығы;
19) салық органдарында тіркеу есебіне қою;
20) ЕАЭО-ға мүше мемлекеттердің аумағынан Қазақстан Республикасының аумағына импортталған тауарлар бойынша қосылған құн салығы жəне (немесе) акциз бойынша салықтық міндеттемені орындау;