Суаратын суды пайдалану қағидаларын бекіту туралы
Қазақстан Республикасы Су ресурстары және ирригация министрінің м.а. 2025 жылғы 29 мамырдағы № 101-НҚ бұйрығы
(2026.15.07. берілген өзгерістер мен толықтырулармен)
Қазақстан Республикасы Су кодексінің 23-бабы 1-тармағының 38) тармақшасына сәйкес, БҰЙЫРАМЫН:
1. Қоса беріліп отырған Суаратын суды пайдалану қағидалары бекітілсін.
2. Қазақстан Республикасы Су ресурстары және ирригация министрлігінің Тарифтік саясат департаменті заңнамада белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрықты ресми жариялағаннан кейін оны Қазақстан Республикасы Су ресурстары және ирригация министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасы Су ресурстары және ирригация вице-министріне жүктелсін.
4. Осы бұйрық 2025 жылғы 10 маусымнан бастап қолданысқа енгізіледі және ресми жариялануға тиіс.
| Қазақстан Республикасы Су ресурстары және ирригация министрінің м.а. |
Е. Ибрайханов |
Қазақстан Республикасы
Су ресурстары және
ирригация министрінің м.а.
2025 жылғы 29 мамырдағы
№ 101-НҚ бұйрығымен
бекітілген
Суаратын суды пайдалану
қағидалары
1-тарау. Жалпы ережелер
1. Осы Суаратын суды пайдалану қағидалары (бұдан әрі - Қағидалар) Қазақстан Республикасы Су кодексінің 23-бабы 1-тармағының 38) тармақшасына сәйкес (бұдан әрі - Кодекс) әзірленді және суару суын пайдалану тәртібін айқындайды.
ҚР Су ресурстары және ирригация министрінің 2025.22.08. № 210-НҚ бұйрығымен 2-тармақ өзгертілді (2025 ж. 14 қыркүйектен бастап қолданысқа енгізілді) (бұр.ред.қара); ҚР Су ресурстары және ирригация министрінің м.а. 2026.03.07. № 199-НҚ бұйрығымен 2-тармақ жаңа редакцияда (2026 ж. 15 шілдеден бастап қолданысқа енгізілді) (бұр.ред.қара)
2. Осы Қағидаларда мынадай негізгі ұғымдар мен терминдер қолданылады:
1) баланстық тиесілікті бөлу шекарасы - иеленушілер арасында сумен жабдықтау және су бұру жүйелерінің элементтерін меншік, шаруашылық жүргізу немесе жедел басқару белгісі бойынша бөлу шегі;