Азаматтық-құқықтық саладағы соттық статистикалық есептердің нысандарын және оларды қалыптастыру жөніндегі Нұсқаулықты бекіту туралы
Қазақстан Республикасы Бас прокурорының 2017 жылғы 2 қарашадағы № 124 бұйрығы
(2025.01.07. берілген өзгерістер мен толықтырулармен)
ҚР Бас Прокурорының 2024.11.03. № 35 бұйрығымен кіріспе жаңа редакцияда (2024 ж. 29 наурыздан бастап қолданысқа енгізілді) (бұр.ред.қара)
«Мемлекеттік құқықтық статистика және арнайы есепке алу туралы» Қазақстан Республикасы Заңының 6-бабының 1) тармақшасын, Қазақстан Республикасы Президентінің 2017 жылғы 13 қазандағы «Қазақстан Республикасының прокуратура органдарының кейбір мәселелері туралы» № 563 Жарлығымен бекітілген Қазақстан Республикасының Бас прокуратурасы туралы ереженің 19-тармағының 37) тармақшасын басшылыққа ала отырып, БҰЙЫРАМЫН:
ҚР Бас Прокурорының 2022.16.09. № 185 бұйрығымен (2022 ж. 23 қыркүйектен бастап қолданысқа енгізілді) (бұр.ред.қара); 2025.23.06. № 81 бұйрығымен (2025 ж. 1 шілдеден бастап қолданысқа енгізілді) (бұр.ред.қара) 1-тармақ жаңа редакцияда
1. Мыналар:
1) осы бұйрықтың 1-қосымшасына сәйкес «Бірінші сатыдағы соттардың азаматтық істерді қарауы жөніндегі есеп» № 2 нысаны;
2) осы бұйрықтың 2-қосымшасына сәйкес «Апелляциялық сатыда азаматтық істерді қарау жөніндегі есеп» № 7 нысаны;
3) осы бұйрықтың 3-қосымшасына сәйкес «Кассациялық сатыда азаматтық істерді қарау жөніндегі есеп» № 7-К нысаны;
4) осы бұйрықтың 4-қосымшасына сәйкес «Қазақстан Республикасының Жоғарғы Сотының азаматтық істерді қарау жөніндегі есеп» № 7-ЖС нысаны;
5) осы бұйрықтың 5-қосымшасына сәйкес «Бірінші сатыдағы сот қараған азаматтық іске (арыз) 1-электрондық ақпараттық есепке алу құжаты» нысаны;
6) осы бұйрықтың 6-қосымшасына сәйкес «Апелляциялық сатыдағы сот қараған азаматтық іске 2-электрондық ақпараттық есепке алу құжаты» нысаны;
7) осы бұйрықтың 7-қосымшасына сәйкес «Кассациялық сатыдағы сот қараған азаматтық іске 3-электрондық ақпараттық есепке алу құжаты» нысаны;