Тұтынушылық дауларды сотқа дейінгі реттеу субъектілері тізбесінің кейбір мәселелері туралы
Қазақстан Республикасы Сауда және интеграция бірінші вице-министрінің 2022 жылғы 30 маусымдағы № 276-НҚ бұйрығы
ҚР Сауда және интеграция бірінші вице-министрінің 2022 жылғы 14 қарашадағы № 431-НҚ бұйрығымен күші жойылды
«Тұтынушылардың құқықтарын қорғау туралы» Қазақстан Республикасы Заңының 5-бабының 15) тармақшасына, «Құқықтық актілер туралы» Қазақстан Республикасы Заңының 65-бабының 3-тармағына сәйкес БҰЙЫРАМЫН:
1. Қоса беріліп отырған тұтынушылық дауларды сотқа дейінгі реттеу субъектілерінің тізбесі бекітілсін.
2. «Тұтынушылық дауларды сотқа дейінгі реттеу субъектілерінің тізбесін бекіту туралы» Қазақстан Республикасы Сауда және интеграция министрінің 2020 жылғы 24 тамыздағы № 180-НҚ бұйрығын жою.
3. Осы бұйрықтың орындалуын бақылауды өзіме қалдырамын.
4. Осы бұйрық қол қойылған күнінен бастап күшіне енеді және Қазақстан Республикасы Сауда және интеграция министрлігінің интернет-ресурсында орналастыруға жатады.