ҚАЗАҚСТАН РЕСПУБЛИКАСЫ ПРЕЗИДЕНТІНІҢ
ЖАРЛЫҒЫ
Қазақстан Республикасы құқық қорғау органдарының, азаматтық қорғау органдарының, мемлекеттік фельдъегерлік қызметінің қызметкерлері антының мәтінін және ант беру тәртібін бекіту, сондай-ақ Қазақстан Республикасы Президентінің кейбір жарлықтарының күші жойылды деп тану туралы
(2025.23.10. берілген өзгерістермен)
ҚР Президентінің 2025.23.10. № 1062 Жарлығымен тақырыбы жаңа редакцияда (бұр.ред.қара)
«Құқық қорғау қызметі туралы» Қазақстан Республикасының Заңын іске асыру мақсатында ҚАУЛЫ ЕТЕМІН:
ҚР Президентінің 2025.23.10. № 1062 Жарлығымен 1-тармақ өзгертілді (бұр.ред.қара)
1. Қоса беріліп отырған:
1) Қазақстан Республикасы құқық қорғау органдарының қызметкерлері антының мәтіні;
2) Азаматтық қорғау органдарының қызметкерлері антының мәтіні;
3) Қазақстан Республикасы мемлекеттік фельдъегерлік қызметінің қызметкерлері антының мәтіні;
4) Қазақстан Республикасының құқық қорғау органдары, азаматтық қорғау органдары және мемлекеттік фельдъегерлік қызметі қызметкерлерінің ант беру қағидалары бекітілсін.
2. Осы Жарлыққа қосымшаға сәйкес Қазақстан Республикасы Президентінің кейбір жарлықтарының күші жойылды деп танылсын.
3. Осы Жарлық қол қойылған күнінен бастап қолданысқа енгізіледі.