Қазақстан Республикасы мемлекеттік бюджетінің кассалық атқарылуы
жөніндегі нұсқаулықты бекіту туралы Қазақстан Республикасы Қаржы
министрлігінің 1999 жылғы 7 қыркүйектегі № 484 бұйрығы
(ҚР Қаржы министрлігінің 21.06.00 ж. № 298;
19.02.02 ж. № 71 бұйрықтарымен енгізілген өзгерістерімен)
ҚР Қаржы министрінің 2006.16.08. № 304 бұйрығымен күші жойылды
Бұйырамын:
1. Қазақстан Республикасы мемлекеттік бюджетінің кассалық атқарылуы жөніндегі нұсқаулық бекітілсін.
2. Қазақстан Республикасы Қаржы министрлігінің "Республикалық және жергілікті бюджеттердің кассалық атқарылуы жөніндегі уақытша нұсқаулықты бекіту туралы" 1997 жылғы 19 наурыздағы № 74 бұйрығының күші жойылған деп танылсын.
3. Осы Бұйрық Қазақстан Республикасының Әділет министрлігінде тіркеуден өткен сәтінен бастап күшіне енеді.
Қазақстан Республикасы
Премьер-Министрінің
орынбасары - Қаржы министрі
Қазақстан Республикасы Қаржы министрлігінің
1999 жылғы 7 қыркүйек № 484 бұйрығымен
Бекітілген
Қазақстан Республикасы Мемлекеттік бюджетінің
кассалық атқарылуы жөніндегі
Нұсқаулық
ҚР Қаржы министрлігінің 21.06.00 ж. № 298; 19.02.02 ж. № 71 (бұр. ред. қара) бұйрықтарымен Нұсқаулық мәтініне өзгерістер енгізілді
1-Бөлім. Жалпы ережелер
1. Осы Нұсқаулық "Бюджет жүйесi туралы" Қазақстан Республикасының Заңына, республикалық бюджеттiң кассалық атқарылуының жүзеге асырылуын және бақылауды және Қазақстан Республикасының жергiлiкті бюджеттерiне қызмет көрсетулердi ұйымдастыру тәртібін айқындайтын Қазақстан Республикасының заң актілеріне және Қазақстан Республикасы Қаржы министрлігінiң нормативтiк құқықтық актілеріне сәйкес даярланды.
2. Қазынашылықтың аумақтық органдары олар орналасқан аумақтық бiрлiк шеңберiнде Қазақстан Республикасының республикалық және жергiлiктi бюджеттерiнiң кассалық атқарылуы жөніндегі жұмыстарды ұйымдастырады, бақылайды және қамтамасыз етедi.