Карантин режимін енгізе отырып карантиндік аймақты анықтау туралы
Ақтөбе облыстық әкімдігінің 2011 жылғы 12 желтоқсандағы № 424 Қаулысы
(2017.16.03. берілген өзгерістермен)
Ақтөбе облысы әкімдігінің 2018 жылғы 23 сәуірдегі № 192 Қаулысымен күші жойылды
Қазақстан Республикасының 1999 жылғы 11 ақпандағы № 344 «Өсімдіктер карантині туралы» Заңының 9-1-бабының 3) тармақшасына, Қазақстан Республикасының 2001 жылғы 23 қаңтардағы № 148 «Қазақстан Республикасындағы жергілікті мемлекеттік басқару және өзін-өзі басқару туралы» Заңының 27-бабының 2-тармағына сәйкес Қазақстан Республикасы Ауыл шаруашылығы министрлігінің Агроөнеркәсіп кешеніндегі мемлекеттік инспекция комитетінің Ақтөбе облыстық аумақтық инспекциясының 2011 жылғы 6 қыркүйектегі № 09-13/160 және 2011 жылғы 20 қыркүйектегі № 09-13/166 ұсынысы негізінде жатаған (қызғылт) укекіренің анықталған ошақтарын жою мақсатында облыс әкімдігі ҚАУЛЫ ЕТЕДІ:
1. Шаруашылық жүргізуші субъектілер аумағында карантин режимін енгізе отырып карантиндік аймақ 1 қосымшаға сәйкес белгіленсін.
2. Жатаған укекіре ошақтарын анықтау, оқшалау және жою бойынша шұғыл шаралар жүргізу жөніндегі іс-шаралар 2 қосымшаға сәйкес бекітілсін.
3. Қазақстан Республикасы Ауыл шаруашылығы министрлігінің Агроөнеркәсіптік кешеніндегі мемлекеттік инспекция комитетінің Ақтөбе облыстық аумақтық инспекциясына осы қауылыдан туындайтын шараларды қабылдау ұсынылсын.
4. Осы қаулының орындалуын бақылау облыс әкімінің бірінші орынбасары І.Қ.Өмірзақовқа жүктелсін.
5. Осы қаулы алғаш ресми жарияланғаннан кейін күнтізбелік он күн өткен соң қолданысқа енгізіледі.
| Облыс әкімі | А. Мұхамбетов |
Ақтөбе облыстық әкімдігінің 2012.21.12. № 461 Қаулысымен (бұр.ред.қара); 2014.06.05. № 142 Қаулысымен (бұр.ред.қара) 1-қосымша жаңа редакцияда; Ақтөбе облысының әкімдігінің 2015.05.03. № 82 Қаулысымен 1-қосымша өзгертілді (бұр.ред.қара); Ақтөбе облысының әкімдігінің 2017.16.03. № 68 Қаулысымен 1-қосымша жаңа редакцияда (бұр.ред.қара)
