Инвестициялар мемлекеттік қолдауының кейбір мәселелерi туралы Қазақстан
Республикасы Индустрия және сауда министрлігі Инвестициялар жөніндегі комитеті төрағасының 2003 жылғы 18 наурыздағы № 18-п бұйрығы
(2006.03.11. берілген өзгерістер мен толықтыруларымен)
ҚР Индустрия және жаңа технологиялар министрінің 2012 жылғы 1 маусымдағы № 184 бұйрығымен күшi жойылды
2003 жылғы 8 қаңтардағы Қазақстан Республикасының «Инвестициялар туралы» Заңының 19-шы бабын жүзеге асыру мақсатында БҰЙЫРАМЫН:
1. Қоса берiлiп отырған:
1) инвестициялық преференцияларды беруiне өтiнiм нысаны (№ 1 Қосымша);
ҚР Индустрия және сауда мин. Инвестиция комитетi төрағасының 2006.03.11. № 83-п бұйрығымен 2) тармақша жаңа редакцияда (жариялағаннан кейін күнтізбелік он күн өткен соң қолданысқа енгізіледі) (бұр.ред.қара)
2) Тіркелген активтерге инвестициялар сомасы 60 мың айлық есептік көрсеткіштен асатын инвестициялық жобаның бизнес-жоспарын дайындау жөніндегі нұсқаулық (2-қосымша);
ҚР Индустрия және сауда мин. Инвестиция комитетi төрағасының 2006.03.11. № 83-п бұйрығымен 3) тармақшамен толықтырылды (жариялағаннан кейін күнтізбелік он күн өткен соң қолданысқа енгізіледі)
3) Тіркелген активтерге инвестициялар сомасы 60 мың айлық есептік көрсеткіштен аспайтын инвестициялық жобаның бизнес-жоспарын дайындау жөніндегі нұсқаулық (3-қосымша).
2. Мыналардың күшi жойылды деп танылсын:
1) «Инвестициялық жобаға қойылатын талаптар» нұсқаулығын бекіту туралы» Қазақстан Республикасының Инвестициялар жөніндегі мемлекеттік комитетi 1997 жылғы 28 наурыз № 3 (1997 жылғы 15 қазан, № 396);
2) «Экономиканың басым секторларында инвестициялық қызметтi жүзеге асырушы инвесторлармен келісім-шарт жасау кезiнде жеңiлдiктер мен пұрсаттылық беру рәсiмдерiн жетiлдiру туралы» Инвестициялар жөніндегі Қазақстан Республикасы агенттiгi төрағасының 2000 жылғы 14 сәуірдегі № 01/7 бұйрығы (2000 жылғы 27 сәуiр, № 1120);
