Техникалық және кәсіптік, орта білімнен кейінгі білімді мамандар даярлаудың
2007-2008 оқу жылына арналған мемлекеттік білім беру тапсырысын бекіту туралы
Жамбыл облыстық әкімиятының 2007 жылғы 24 мамырдағы № 121 қаулысы
(2007.27.09. берілген өзгерістер мен толықтыруларымен)
Жамбыл облыстық әкімиятының 2007.27.09. № 197 қаулысымен тақырыбы өзгертілді (бұр.ред.қара)
Жамбыл облыстық әкімиятының 2007.27.09. № 197 қаулысымен мәтін өзгертілді (бұр.ред.қара)
«Білім туралы» Қазақстан Республикасы 1999 жылғы 7 маусымдағы Заңының 31 бабындағы 2 тармағының 7 тармақшасына сәйкес және Қазақстан Республикасы Үкіметінің 2002 жылғы 11 қарашадағы № 1188 Кәсіптік орта және кәсіптік жоғары білім беру ұйымдарына оқуға түсу кезінде адамдардың жекелеген санаттары үшін қабылдау квотасын белгілеу туралы» қаулысын орындау үшін, Жамбыл облысының әкімияты ҚАУЛЫ ЕТЕДІ:
Жамбыл облыстық әкімиятының 2007.27.09. № 197 қаулысымен 1-тармақ өзгертілді (бұр.ред.қара)
1. Техникалық және кәсіптік, орта білімнен кейінгі білімді мамандар даярлаудың 2007-2008 оқу жылына арналған мемлекеттік білім беру тапсырысы қосымшаға сәйкес бекітілсін.
2. Облыс әкімиятының білім беру департаменті белгіленген тәртіппен мемлекеттік білім беру тапсырысын б техникалық және кәсіптік, орта білімнен кейінгі білім беру ұйымдарына орналастырсын.
3. Бекітілген білім беру тапсырысы шегінде Қазақстан Республикасы Үкіметінің 2002 жылғы 11 қарашадағы № 1188 «Кәсіптік орта және кәсіптік жоғары білім беру ұйымдарына оқуға түсу кезінде адамдардың жекелеген санаттары үшін қабылдау квотасын белгілеу туралы» қаулысымен белгіленген квота қолданылады деп анықталсын.
4. Жамбыл облысы әкімиятының 2007 жылғы 29 наурыздағы № 64 «Орта кәсіптік білімді мамандар даярлаудың 2006-2007 оқу жылына арналған мемлекеттік білім беру тапсырысын бекіту туралы» қаулысының (нормативтік құқықтық кесімдерді мемлекеттік тіркеудің тізілімінде № 1659 болып тіркелген, 2007 жылдың 12 мамырында «Ақ жол» № 74 және «Знамя труда» № 52 газеттерінде жарияланды) күші жойылсын.
5. Осы қаулы алғашқы ресми жарияланған күннен бастап қолданысқа енгізіледі.
