Жануарлардың шектеу іс-шаралары немесе карантин белгіленетін жұқпалы ауруларының тізбелерін бекіту туралы
Қазақстан Республикасы Ауыл шаруашылығы министрінің 2012 жылғы 28 наурыздағы № 18-03/128 бұйрығы
(2018.21.11. берілген өзгерістермен)
«Ветеринария туралы» Қазақстан Республикасының 2002 жылғы 10 шілдедегі Заңының 27-бабы 2-тармағына сәйкес, БҰЙЫРАМЫН:
1. Бекітілсін:
1) Осы бұйрықтың 1-қосымшасына сәйкес Жануарлардың карантин белгіленетін жұқпалы ауруларының тізбесі;
2) Осы бұйрықтың 2-қосымшасына сәйкес Жануарлардың шектеу іс-шаралары белгіленетін жұқпалы ауруларының тізбесі.
2. Қазақстан Республикасы Ауыл шаруашылығы министрлігінің Ветеринариялық бақылау және қадағалау комитеті заңнамада белгіленген тәртіппен осы бұйрықтың Қазақстан Республикасы Әділет министрлігінде мемлекеттік тіркелуін және ресми жариялануын қамтамасыз етсін.
3. Осы бұйрық алғашқы рет ресми жарияланған күнінен бастап қолданысқа енгізіледі.
ҚР Премьер-Министрінің орынбасары - ҚР Ауыл шаруашылығы министрінің 2018.21.11. № 464 бұйрығымен тізбе жаңа редакцияда (бұр.ред.қара)
Қазақстан Республикасы
Ауыл шаруашылығы министрінің
2012 жылғы 28 наурыздағы
№ 18-03/128 бұйрығына
1-қосымша
Карантин белгiленетiн жануарлардың жұқпалы ауруларының
тiзбесi
Әртүрлі жануарларға ортақ аурулар: сібір жарасы, аусыл, шешек (сиыр, жылқы, шошқа шешегінен басқа), Ауески ауруы, риккетсиоздар және экзотикалық аурулар.
Күйіс қайыратын жануарлардың аурулары: ірі қара малдың обасы, ірi қара малдың жұқпалы алаөкпесі, қарасан, ірі қара малдың нодулярлық дерматиті, ірі қара малдың кемiктәрiздес энцефалопатиясы, түйелердің обасы, кебенек (ешкілердің жұқпалы плевропневмониясы), қойлардың инфекциялық катаральды қызбасы (блютанг), қойлардың баяу инфекциялары (скрепи, висна-маеди, аденоматоз), күйіс қайыратын ұсақ малдардың обасы.
