Спорт резервін және жоғары дәрежелі спортшыларды даярлау жөніндегі оқу-жаттығу процесі жүзеге асырылатын дене шынықтыру-спорт ұйымдарына қабылдау үшін спорт түрлері бойынша спортшылардың жасын, сондай-ақ денсаулық сақтау саласындағы уәкілетті органмен келісім бойынша спорт түрлері бойынша спорттық жарыстарға қатысу үшін ең төменгі жасын бекіту туралы
Қазақстан Республикасы Мәдениет және спорт министрінің 2014 жылғы 20 қазандағы № 42 бұйрығы
(2025.01.08. берілген өзгерістермен)
Осы редакция 2026 ж. 30 сәуірде енгізілген өзгерістеріне дейін қолданылды
ҚР Туризм және спорт министрінің 2025.16.07. № 133 бұйрығымен тақырыбы жаңа редакцияда (2025 ж. 1 тамыздан бастап қолданысқа енгізілді) (бұр.ред.қара)
ҚР Мәдениет және спорт министрінің м.а. 2023.13.01. № 5 бұйрығымен кіріспе жаңа редакцияда (2023 ж. 30 қаңтардан бастап қолданысқа енгізілді) (бұр.ред.қара)
«Дене шынықтыру және спорт туралы» Қазақстан Республикасы Заңының 7-бабы 32) тармақшасына сәйкес, БҰЙЫРАМЫН:
ҚР Туризм және спорт министрінің 2025.16.07. № 133 бұйрығымен 1-тармақ жаңа редакцияда (2025 ж. 1 тамыздан бастап қолданысқа енгізілді) (бұр.ред.қара)
1. Мыналар:
1) осы бұйрыққа 1-қосымшаға сәйкес спорт резервін және жоғары дәрежелі спортшыларды даярлау жөніндегі оқу-жаттығу процесі жүзеге асырылатын дене шынықтыру-спорт ұйымдарына қабылдау үшін спорт түрлері бойынша спортшылардың жас шамасы;
2) осы бұйрыққа 2-қосымшаға сәйкес спорт түрлері бойынша спорттық жарыстарға қатысу үшін ең төменгі жас шамасы бекітілсін.
2. Қазақстан Республикасы Мәдениет және спорт министрлігінің Спорт және дене шынықтыру істері комитеті заңнамамен белгіленген тәртіпте:
1) Қазақстан Республикасы Әділет министрлігіне осы бұйрықты мемлекеттік тіркеуге ұсынсын;
2) осы бұйрықты Қазақстан Республикасы Әділет министрлігінде мемлекеттік тіркеуден өткеннен кейін мерзімді баспа басылымдарында және «Әділет» ақпараттық-құқықтық жүйесінде ресми жариялауды қамтамасыз етсін.
3. Осы бұйрықтың орындалуын бақылау Қазақстан Республикасы Мәдениет және спорт вице-министрі Т.Қ.Есентаевқа жүктелсін.
