(БҰРЫНҒЫ РЕДАКЦИЯ) ҚР ҮКІМЕТІНІҢ 2007.12.12 № 1224 ҚАУЛЫСЫ

2008 жылға арналған республикалық бюджеттік бағдарламалардың паспорттарын бекіту туралы (Қазақстан Республикасы Еңбек және халықты әлеуметтік қорғау министрлігі)
Қазақстан Республикасы Үкіметінің 2007 жылғы 12 желтоқсандағы № 1224 Қаулысы
(үзінді)

Осы редакция 2008 жылғы 13 маусымдағы енгізілген өзгерістеріне дейін қолданылды

Қазақстан Республикасының 2004 жылғы 24 сәуірдегі Бюджет кодексіне сәйкес Қазақстан Республикасының Үкіметі ҚАУЛЫ ЕТЕДІ:

1. Мыналардың:

145, 146, 147, 148, 149, 150, 151, 152, 153, 154, 155, 156, 157, 158, 159, 160, 161, 162, 163-қосымшаларға сәйкес Қазақстан Республикасы Еңбек және халықты әлеуметтік қорғау министрлігінің 2008 жылға арналған республикалық бюджеттік бағдарламаларының паспорттары бекітілсін.

2. Осы қаулы қол қойылған күнінен бастап қолданысқа енгізіледі.

Қазақстан Республикасы Үкіметінің

2007 жылғы 12 желтоқсандағы

№ 1224 қаулысына

145-ҚОСЫМША

213 - Қазақстан Республикасы Еңбек және халықты әлеуметтік қорғау министрлігі

Бюджеттік бағдарламаның әкімшісі

2008 жылға арналған

«Еңбек, жұмыспен қамту, халықты әлеуметтік қорғау және көші-қон

саласындағы уәкілетті органның қызметін қамтамасыз ету»

деген 001 республикалық бюджеттік бағдарламаның

ПАСПОРТЫ

1. Құны: 1 817 253 мың теңге (бір миллиард сегіз жүз он жеті миллион екі жүз елу үш мың теңге).

2. Бюджеттік бағдарламаның нормативтік құқықтық негізі: «Семей ядролық полигонындағы ядролық сынақтардың салдарынан зардап шеккен азаматтарды әлеуметтік қорғау туралы» Қазақстан Республикасының 1992 жылғы 18 желтоқсандағы Заңы; «Жаппай саяси қуғын-сүргін құрбандарын ақтау туралы» Қазақстан Республикасының 1993 жылғы 14 сәуірдегі Заңы; «Ұлы Отан соғысының қатысушыларына, мүгедектеріне және соларға теңестірілген адамдарға берілетін жеңілдіктер мен оларды әлеуметтік қорғау туралы» Қазақстан Республикасы 1995 жылғы 28 сәуірдегі Заңы; «Қазақстан Республикасында мүгедектігі бойынша, асыраушысынан айрылу жағдайы бойынша және жасына байланысты берілетін мемлекеттік әлеуметтік жәрдемақылар туралы» Қазақстан Республикасының 1997 жылғы 16 маусымдағы Заңы; «Қазақстан Республикасында зейнетақымен қамсыздандыру туралы» Қазақстан Республикасының 1997 жылғы 20 маусымдағы Заңы; «Халықтың көші-қоны туралы» Қазақстан Республикасының 1997 жылғы 13 желтоқсандағы Заңы; «Қазақстан Республикасындағы арнаулы мемлекеттік жәрдемақы туралы» Қазақстан Республикасының 1999 жылғы 5 сәуірдегі Заңы; «Жер асты және ашық кен жұмыстарында, еңбек жағдайлары ерекше зиянды және ерекше ауыр жұмыстарда істеген адамдарға берілетін мемлекеттік арнаулы жәрдемақы туралы» Қазақстан Республикасының 1999 жылғы 13 шілдедегі Заңы; «Мемлекеттік қызмет туралы» Қазақстан Республикасының 1999 жылғы 23 шілдедегі Заңы; «Халықты жұмыспен қамту туралы» Қазақстан Республикасының 2001 жылғы 23 қаңтардағы Заңы; «Мемлекеттік атаулы әлеуметтік көмек туралы» Қазақстан Республикасының 2001 жылғы 17 шілдедегі Заңы; «Міндетті әлеуметтік сақтандыру туралы» Қазақстан Республикасының 2003 жылғы 25 сәуірдегі Заңы; «Еңбек қауіпсіздігі және еңбекті қорғау туралы» Қазақстан Республикасының 2004 жылғы 27 ақпандағы Заңы;»"Қазақстан Республикасында мүгедектерді әлеуметтік қорғау туралы« Қазақстан Республикасының 2005 жылғы 13 сәуірдегі Заңы; «Балалы отбасыларға берілетін мемлекеттік жәрдемақылар туралы» Қазақстан Республикасының 2005 жылғы 28 маусымдағы Заңы; Қазақстан Республикасы Президентінің «Қаза тапқан, қайтыс болған әскери қызметшілердің ата-аналарына, асырап алушыларына, қамқоршыларына берілетін біржолғы төлемдер туралы» 1999 жылғы 13 желтоқсандағы Жарлығы; «Қазақстан Республикасы Еңбек және халықты әлеуметтік қорғау министрлігінің аумақтық органдарын құру туралы» Қазақстан Республикасы Үкіметінің 2000 жылғы 28 желтоқсандағы № 1920 қаулысы; «Қазақстан Республикасы Еңбек және халықты әлеуметтік қорғау министрлігінің кейбір мәселелері» Қазақстан Республикасы Үкіметінің 2004 жылғы 29 қазандағы № 1132 қаулысы.

3. Бюджеттік бағдарламаны қаржыландыру көздері: республикалық бюджеттің қаражаты.

4. Бюджеттік бағдарламаның мақсаты: әлеуметтік қамсыздандыру саласында азаматтардың конституциялық кепілдерін қамтамасыз ету.

5. Бюджеттік бағдарламаның міндеттері:

- еңбек, жұмыспен қамту, халықты әлеуметтік қорғау және халықтың көші-қоны саласындағы мемлекеттік саясатты іске асыру;

- нормативтік құқықтық актілерді әзірлеу және іске асыру;

- еңбек, жұмыспен қамту, халықты әлеуметтік қорғау және халықтың көші-қоны саласындағы заңдардың сақталуын мемлекеттік бақылау;

- еңбек, еңбек қауіпсіздігі және еңбекті қорғау, жұмыспен қамту, әлеуметтік әріптестік, халықты әлеуметтік қорғау, зейнетақымен қамсыздандыру, әлеуметтік сақтандыру және көші-қон процестерін реттеу саласындағы салааралық үйлестіру;

- кәсіптік шеберлігін жетілдіру және қызметтік міндеттемелерін тиімді орындау мақсатында біліктілік талаптарына сәйкес кәсіптік қызмет саласында білім беру бағдарламалары бойынша дағдылар мен шеберлікті, теориялық және практикалық білімдерді жаңарту.

6. Бюджеттік бағдарламаны іске асыру жөніндегі іс-шаралар жоспары:

7. Бюджеттік бағдарламаны орындаудан күтілетін нәтижелер: Тікелей нәтиже:

- әлеуметтік қамсыздандыру саласында азаматтардың конституциялық кепілдерін қамтамасыз ету;

- 250 адамның кәсіптік деңгейін жоғарылату;

- 381 адамды мемлекеттік тілге оқыту;

- 30 адамды ағылшын тіліне оқыту.

Соңғы нәтиже: халықты әлеуметтік қамсыздандыру және әлеуметтік көмек көрсету жүйесін, мемлекеттік қадағалау мен еңбек қауіпсіздігі және еңбекті қорғау туралы заңнаманың сақталуын бақылау жүйесін жетілдіру, көші-қон саясатын дамыту, жұмыспен тиімді қамтуды қамтамасыз ету, жұмыссыздық деңгейін төмендету.

Қаржылық-экономикалық нәтиже: Бір мемлекеттік қызметшінің біліктілігін арттырудың орташа шығыны 19,0 мың теңге.

Бір мемлекеттік қызметшіні мемлекеттік тілге оқытудың орташа шығыны 14,8 мың теңге.

Бір мемлекеттік қызметшіні ағылшын тіліне оқытудың орташа шығыны 30,0 мың теңге.

Уақтылығы: келісім - жыл бойы.

Сапасы: Әлеуметтік қамсыздандыру жүйесінің құқықтық-нормативтік базасын жетілдіру, мемлекеттік органдардың жауапкершілігін арттыру, әлеуметтік қызметтер мен әлеуметтік қамсыздандыру жүйесі мамандарының біліктілік деңгейін арттыру және қол жетімділігін кеңейту.

Қазіргі заманғы экономикалық жағдайлардағы кәсіби мемлекеттік қызмет талаптарына сәйкес мемлекеттік қызметшілердің кәсіби біліктілігін арттыру.

Қазақстан Республикасы Үкіметінің

2007 жылғы 12 желтоқсандағы

№ 1224 қаулысына

146-ҚОСЫМША

213 - Қазақстан Республикасы Еңбек және халықты әлеуметтік қорғау министрлігі

Бюджеттік бағдарламаның әкімшісі

2008 жылға арналған

«Зейнетақы бағдарламасы»

деген 002 республикалық бюджеттік бағдарламаның

ПАСПОРТЫ

1. Құны: 353 288 151 мың теңге (үш жүз елу үш миллиард екі жүз сексен сегіз миллион бір жүз елу бір мың теңге).

2. Бюджеттік бағдарламаның нормативтік құқықтық негізі: «Семей ядролық сынақ полигонындағы ядролық сынақтардың салдарынан зардап шеккен азаматтарды әлеуметтік қорғау туралы» Қазақстан Республикасының 1992 жылғы 18 желтоқсандағы Заңының 13-бабы; «Қазақстан Республикасында мүгедектігі бойынша, асыраушысынан айрылу жағдайы бойынша және жасына байланысты берілетін мемлекеттік әлеуметтік жәрдемақылар туралы« Қазақстан Республикасының 1997 жылғы 16 маусымдағы Заңы 12-бабының 5-тармағы, 16-бабының 5-тармағы; «Қазақстан Республикасында зейнетақымен қамсыздандыру туралы» Қазақстан Республикасының 1997 жылғы 20 маусымдағы Заңының 2 , 5-баптары.

3. Бюджеттік бағдарламаны қаржыландыру көздері: республикалық бюджеттің қаражаты.

4. Бюджеттік бағдарламаның мақсаты: азаматтардың зейнетақымен қамсыздандырылуға конституциялық құқықтарын іске асыру.

5. Бюджеттік бағдарламаның міндеттері:

- зейнетақы төлемдері мен базалық зейнетақы төлемдерін уақытында қамтамасыз ету;

- Семей ядролық сынақ полигонындағы ядролық сынақтардың салдарынан зардап шеккен адамдарға, сондай-ақ олардың мұрагерлеріне зейнетақыға үстемеақы төлеу;

- зейнетақы төлемдерін есептеу үшін ескерілетін табысқа қойылатын шектеуді 15-тен 25-еселенген айлық есептік көрсеткішке арттыру.

6. Бюджеттік бағдарламаны іске асыру жөніндегі іс-шаралар жоспары:

7. Бюджеттік бағдарламаны орындаудан күтілетін нәтижелер:

Тікелей нәтиже: ынтымақты зейнетақыларды, Семей ядролық сынақ полигонында ядролық сынақтар салдарынан зардап шеккен азаматтардың зейнетақыларына үстемеақыларды және зейнеткерлер мен зейнеткерлік жасқа толған мүгедектерге базалық зейнетақы төлемдерін төлеу.

Алушылардың орташа жылдық болжамды саны:

- Ынтымақты зейнетақы: 2008 ж. - 1640,6 мың адам, 2009 ж. - 1644,4 мың адам, 2010 ж. - 1645,1 мың адам;

- базалық зейнетақы төлемдерін алушылар: 2008 ж. - 1669,2 мың адам, 2009 ж. - 1676,7 мың адам, 2010 ж. - 1680,3 мың адам;

- Семей ядролық сынақ полигонында ядролық сынақтар салдарынан зардап шеккен азаматтардың зейнетақыларына үстемеақы алушылардың саны - 0,6 мың адам.

Соңғы нәтиже: ынтымақты зейнетақылар мөлшерін 9 пайызға көбейту, зейнетақы төлемдерін есептеу үшін ескерілетін табысқа қойылатын шектеуді 15-тен 25-мәрте айлық есептік көрсеткішке арттыру және зейнеткерлер мен зейнеткерлік жасқа толған мүгедектерге 4210 теңге мөлшерінде базалық зейнетақы төлемдерін төлеу.

Қаржылық-экономикалық нәтиже:

- зейнетақының ең төмен мөлшері: 2008 ж. - 7900 теңге, 2009 ж. - 8598 теңге, 2010 ж. - 9372 теңге;

- зейнетақының орташа мөлшері: 2008 ж. - 13660 теңге, 2009 ж. - 14889 теңге, 2010 ж. - 16229 теңге;

- мемлекеттік базалық зейнетақы төлемінің мөлшері: 2008 ж. - 4210 теңге, 2009 ж. - 4334 теңге, 2010 ж. - 4637 теңге;

- зейнетақыларға үстемеақылардың орташа мөлшері - 17508 теңге.

Уақытылылығы: кестеге сәйкес ай сайын 25 күнге дейін уақытында төлеу.

Сапасы: тағайындалған зейнетақылар мен базалық зейнетақы төлемдерін 100 пайызға төлеу, радиациялық қатер өңірлерінде тұрғаны үшін және Семей ядролық сынақ полигонындағы ядролық сынақтардың салдарынан зардап шеккен азаматтардың зейнетақыларына ай сайынғы үстемеақы төлемдерін Зейнетақы төлеу жөніндегі мемлекеттік орталық ұсынған қажеттілікке сәйкес 100 пайызға төлеу.

Қазақстан Республикасы Үкіметінің

2007 жылғы 12 желтоқсандағы

№ 1224 қаулысына

147-ҚОСЫМША

213 - Қазақстан Республикасы Еңбек және халықты әлеуметтік қорғау министрлігі

Бюджеттік бағдарламаның әкімшісі

2008 жылға арналған

«Мемлекеттік әлеуметтік жәрдемақылар»

деген 003 республикалық бюджеттік бағдарламаның

ПАСПОРТЫ

1. Құны: 79 554 000 мың теңге (жетпіс тоғыз миллиард бес жүз елу төрт миллион теңге).

2. Бюджеттік бағдарламаның нормативтік құқықтық негізі: «Қазақстан Республикасында мүгедектігі бойынша, асыраушысынан айрылу жағдайы бойынша және жасына байланысты берілетін мемлекеттік әлеуметтік жәрдемақылар туралы» Қазақстан Республикасының 1997 жылғы 16 маусымдағы Заңы.

3. Бюджеттік бағдарламаны қаржыландыру көздері: республикалық бюджеттің қаражаты.

4. Бюджеттік бағдарламаның мақсаты: мүгедектігі, асыраушысынан айрылу жағдайы бойынша және жасына байланысты әлеуметтік қамсыздандыруға мұқтаж азаматтарға ақшалай қаражат төлеу.

5. Бюджеттік бағдарламаның міндеттері:

- жасына байланысты;

- мүгедектігі бойынша;

- асыраушысынан айрылу жағдайы бойынша берілетін мемлекеттік әлеуметтік жәрдемақылардың уақытында төленуін қамтамасыз ету.

6. Бюджеттік бағдарламаны іске асыру жөніндегі іс-шаралар жоспары:

7. Бюджеттік бағдарламаны орындаудан күтілетін нәтижелер:

Тікелей нәтиже: мүгедектігі бойынша, асыраушысынан айрылу жағдайы бойынша және жасына байланысты берілетін мемлекеттік әлеуметтік жәрдемақыларды төлеу. Мемлекеттік әлеуметтік жәрдемақылар алушылардың орташа жылдық болжамды саны:

- мүгедектігі бойынша: 2008 ж. - 411,5 мың адам, 2009 ж. - 411,8 мың адам, 2010 ж. - 411,8 мың адам;

- асыраушысынан айрылу жағдайы бойынша: 2008 ж. - 230,5 мың адам,  2009 ж. - 232,3 мың адам, 2010 ж. - 233,0 мың адам;

- жасына байланысты: 2008 ж. - 14,0 мың адам, 2009 ж. - 16,3 мың адам, 2010 ж. - 18,9 мың адам.

Соңғы нәтиже: мемлекеттік әлеуметтік жәрдемақы алушылардың кірісін көбейту.

Қаржылық-экономикалық нәтиже: мемлекеттік әлеуметтік жәрдемақылардың орташа мөлшері:

- мүгедектігі бойынша: 2008 ж. - 10 674 теңге, 2009 ж. - 10 943 теңге, 2010 ж. - 11 603 теңге;

- асыраушысынан айрылу жағдайы бойынша: 2008 ж. - 9 383 теңге, 2009 ж. - 9 664 теңге, 2010 ж. - 10 234 теңге;

- жасына байланысты: 2008 ж. - 5 258 теңге, 2009 ж. - 5 417 теңге, 2010 ж. - 5 797 теңге.

Уақытылылығы: кестеге сәйкес ай сайын 25 күнге дейін уақытында төлеу.

Сапасы: мүгедектігі бойынша, асыраушысынан айрылу жағдайы бойынша және жасына байланысты тағайындалған мемлекеттік әлеуметтік жәрдемақыларды 100 пайыз төлеу.

Қазақстан Республикасы Үкіметінің

2007 жылғы 12 желтоқсандағы

№ 1224 қаулысына

148-ҚОСЫМША

213 - Қазақстан Республикасы Еңбек және халықты әлеуметтік қорғау министрлігі

Бюджеттік бағдарламаның әкімшісі

2008 жылға арналған

«Арнайы мемлекеттік жәрдемақылар»

деген 004 республикалық бюджеттік бағдарламаның

ПАСПОРТЫ

1. Құны: 42135859 мың теңге (қырық екі миллиард бір жүз отыз бес миллион сегіз жүз елу тоғыз мың теңге).

2. Бюджеттік бағдарламаның нормативтік құқықтық негізі: «Қазақстан Республикасындағы арнаулы мемлекеттік жәрдемақы туралы» Қазақстан Республикасының 1999 жылғы 5 сәуірдегі Заңы; «Арнаулы мемлекеттік жәрдемақы тағайындаудың және төлеудің ережесін бекіту туралы» Қазақстан Республикасы Үкіметінің 2001 жылғы 31 қаңтардағы № 161 қаулысы.

3. Бюджеттік бағдарламаны қаржыландыру көздері: республикалық бюджеттің қаражаты.

4. Бюджеттік бағдарламаның мақсаты: азаматтардың жеке санаттарына қосымша материалдық қолдау көрсету.

5. Бюджеттік бағдарламаның міндеттері:

- арнаулы мемлекеттік жәрдемақы төлемдерін уақытылы қамтамасыз ету.

6. Бюджеттік бағдарламаны іске асыру жөніндегі іс-шаралар жоспары: